19 сентября 2021 года — воскресенье

Преподобных жен

Тропарь, глас 2:И́стинному жела́нию уневе́стившеся, христосла́внии,/ и вре́меннаго обру́чника отве́ргшеся совокупле́ния,/ и доброде́тельными по́двиги возра́стше,/ на высоту́ востеко́сте нетле́ния,/ красноду́шнии и многобога́тнии,/ столпи́ мона́шествующих жен и пра́вило,/ те́мже о нас моли́те непреста́нно,// любо́вию ва́шу па́мять пра́зднующих.

Кондак, глас 2:Телеса́ своя́ посто́м изнури́вше,/ и неусы́пными моли́твами моля́ще Зижди́теля о гресе́х свои́х,/ я́ко да прии́мете соверше́нное проще́ние,/ и прия́сте боже́ственное оставле́ние/ и ца́рствие небе́сное,// моли́те Христа́ Бо́га о всех нас.

Величание:Ублажа́ем вас,/ преподо́бнии ма́тери, и чтим святу́ю па́мять ва́шу, вы бо мо́лите за нас// Христа́ Бо́га на́шего.

Преподобноисповедницы XX века

Тропарь, глас 5:Христа́ Го́спода Иису́са ве́рная учени́це,/ Це́ркве Росси́йския избра́нная а́гнице,/ преподо́бная ма́ти (имярек),/ ле́гкое и́го и я́звы Госпо́дни любо́вию нося́щи,/ ле́ствицею доброде́телей и испове́данием ве́ры/ к Нему́ я́ко Небе́сному Жениху́ востекла́ еси́,/ Его́же моли́ сохрани́ти в благоче́стии лю́ди росси́йския// и спасти́ ду́ши на́ша.

Кондак, глас 4:Я́ко кри́н благоуха́нный,/ посреде́ пусты́ни безбо́жия/ в земне́м Оте́честве твое́м процвела́ еси́, преподо́бная ма́ти (имярек),/ и по́двиги воздержа́ния испове́данием ве́ры украси́вши,/ востекла́ еси́ к Небе́сному Жениху́ Христу́,// И́же увенча́ тя красото́ю сла́вы нетле́нныя.

Величание:Велича́ем тя,/ страстоте́рпице преподо́бная ма́ти (имярек),/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия// претерпе́ла еси́.

Тропарь всем святым, Глас 2

Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко
Спасу, о нас Того, яко Блага, молите спастися,
молимся, душам нашим.

Добре подвиг совершившии и веру
соблюдшии… В основе — слова апостола Павла: Я уже
становлюсь жертвою, и время моего отшествия настало.
Подвигом добрым я подвизался, течение совершил, веру
сохранил (в Славянской Библии: подвигом добрым
подвизахся, течение скончах, веру соблюдох: напомним,
что течение — это бег); а теперь готовится мне венец
правды, который даст мне Господь, праведный Судия, в
день оный; и не только мне, но и всем, возлюбившим
явление Его (2 Тим.4:6-8).

Священноисповедника и преподобноисповедника

Тропарь, глас 8:Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ев богодухнове́нное удобре́ние,/ (имярек) прему́дре,/ уче́ньми твои́ми вся просвети́л еси́, цевни́це духо́вная,// моли́ Христа́ Бо́га спасти́ся душа́м на́шим.

Кондак, глас 2:Наслади́вся, богому́дре, воздержа́ния/ и жела́ния пло́тская ты успи́л еси́,/ яви́вся еси́, ве́рою возраща́ем,/ и я́ко живота́ дре́во ра́йское, процве́л еси́,// (имярек), о́тче свяще́нный.Величание священноисповедника (см. общее святителя)

Величание преподобноисповедника (см. общее преподобного)

Мученику Вонифатию (тропари, кондаки и молитвы)

Тропарь, глас 4:

Му́ченик Твой, Го́споди Вонифа́тий,/ во страда́нии свое́м вене́ц прия́т нетле́нный от Тебе́ Бо́га на́шего/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости/ того́ моли́твами// спаси́ ду́ши на́ши.

Ин тропарь,глас 4:

К сосло́вию по́слан му́чеников,/ му́ченик был еси́ и́стинен,/ постpада́в за Хpиста́ кpепча́йше, всехва́льне,/ мощми́ же возвpати́лся еси́ ве́pою посла́вшей тя,/ Вонифа́тие блаже́нне,/ моли́ Хpиста́ Бо́га// пpия́ти нам гpехо́в пpоще́ние.

Кондак, глас 4:

Свяще́ние непоро́чное самово́льне Тебе́ приве́л еси́,/ И́же от Де́вы тебе́ ра́ди роди́тися Хотя́щему,// свя́те венчено́сче, прему́дре Вонифа́тие.

Ин кондак, глас 6:

Звезда́ све́тлая яви́лся еси́ непреле́стная ми́рови, Со́лнца Христа́ возвеща́ющи заря́ми твои́ми, страстоте́рпче Вонифа́тие, и пре́лесть погаси́л еси́ всю, нам же пода́вши свет, моли́ся непреста́нно о всех нас.

Ин кондак, глас 4:

Изы́де к прия́тию страстоте́рпческих моще́й и стра́ждущих зако́нне ве́ры ра́ди зря, / показа́л еси́ му́жески кре́пость свою́, / устреми́вся на стра́сти испове́данием во Христа́, / И́же прие́м по́честь побе́ды твоего́ страда́ния, // Вонифа́тие, при́сно моли́ за ны.

Молитва первая

О многострада́льный и всехва́льный му́чениче Вонифа́тие! Ко твоему́ заступле́нию ны́не прибега́ем, моле́ний нас, пою́щих тебе́, не отве́ржи, но ми́лостиво услы́ши нас. Виждь бра́тию и се́стры на́ша, тя́жким неду́гом пиа́нства одержи́мыя, виждь того́ ра́ди от ма́тере своея́, Це́ркве Христо́вой и ве́чнаго спасе́ния отпа́дающия. О святы́й му́чениче Вонифа́тие, косни́ся се́рдцу их да́нной ти от Бо́га благода́тию, ско́ро возста́ви от паде́ний грехо́вных и ко спаси́тельному воздержа́нию приведи́ их. Умоли́ Го́спода Бо́га, Его́ же ра́ди страда́л еси́, да прости́в нам согреше́ния на́ша, не отврати́т ми́лости Своея́ от сыно́в Свои́х, но да укрепи́т в нас трезве́ние и целому́дрие, да помо́жет Свое́ю десни́цею трезвя́щимся спаси́тельный обе́т свой до конца́ сохрани́ти во дни и нощи́, о нем бо́дрствующе и о нем до́брый отве́т на Стра́шнем Суди́лище да́ти. Приими́, уго́дниче Бо́жий, моли́твы матере́й, о ча́дех свои́х сле́зы пролива́ющих; жен честны́х, о муже́х свои́х рыда́ющих, чад си́рых и убо́гих, от пиа́ниц оста́вленных, всех нас, ико́не твое́й припа́дающих, и да прии́дет сей вопль наш моли́твами твои́ми ко престо́лу Всевы́шняго дарова́ти всем по моли́твам их здра́вие и спасе́ние душ и теле́с, наипа́че же Ца́рство Небе́сное. Покры́й и соблюди́ нас от лука́ваго ловле́ния и всех ко́зней вра́жиих, в стра́шный час исхо́да на́шего помози́ прейти́ непреткнове́нно возду́шные мыта́рства и моли́твами твои́ми изба́ви ве́чнаго осужде́ния. Умоли́ же Го́спода дарова́ти нам к Оте́честву на́шему любо́вь нелицеме́рную и непоколеби́мую, пред врага́ми Це́ркве святы́я ви́димыми и неви́димыми си́лу непобеди́мую, да покры́ет нас ми́лость Бо́жия в несконча́емыя во ве́ки веко́в. Ами́нь.

Молитва вторая

О святы́й страстоте́рпче Христо́в, во́ине Царя́ Небе́снаго, земна́я сладостра́стия презре́вый и к го́рнему Иерусали́му страда́нием возше́дый, му́чениче Вонифа́тие! Услы́ши мя гре́шнаго, принося́щаго от се́рдца моле́бная пе́ния, и умоли́ Го́спода на́шего Иису́са Христа́ прости́ти вся моя́ согреше́ния, в ве́дении и в неве́дении мно́ю соде́янная. Ей, му́чениче Христо́в, о́браз покая́ния собо́ю показа́вый гре́шным! Бу́ди ми на зла́го сопроти́вника диа́вола твои́ми моли́твами к Бо́гу помо́щник и засту́пник; мно́го бо порыва́хся избе́гнути сете́й его́ лука́вых, но у́дицею грехо́вною уловле́н и кре́пко влачи́м от него́, не мог изба́витися, а́ще не ты предста́неши ми, во обстоя́ниих го́рькая терпя́щему, и коли́ко покуша́хся пока́ятися, но ложь пред Бо́гом бых. Сего́ ра́ди к тебе́ прибега́ю и молю́ся: спаси́ мя, свя́тче Бо́жий, от всех зол твои́м предста́тельством, благода́тию же Всеси́льнаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Назад к списку

Тропарь святителю Николаю, Глас 4

Правило веры и образ кротости, 
воздержания учителя яви тя стаду твоему яже вещей
истина; сего ради стяжал еси смирением высокая, нищетою богатая, отче священноначальниче
Николае, моли Христа Бога, спастися душам нашим.

Правило — здесь: мерило, образец.
Образ
— здесь: образец. Яви — явил. Яже вещей истина — есть
подлежащее предложения, поставленное в конце его, и
означает — познание истины. Высокая — здесь: величие.
Богатая — богатство. Священноначальниче — начальник
священнослужителей, то есть епископ (звательный падеж).

Этот тропарь является также и общим
тропарем святителю — то есть тропарем, который может
применяться к любому святителю. Таким образом, святитель
Николай предстает пред нами и как «правило и образ»
святителя вообще.

Правило веры и образ кротости,
воздержания учителя яви тя стаду твоему яже вещей
истина. В пособиях начала ХХ века дается такое понимание
этого выражения: яже вещей истина переводилось как
«познание истины»: «Познание истины сделало тебя для
паствы твоей мерилом веры, образцом кротости, учителем
воздержания»; Сего ради: ради Христа, для Него (хотя,
безусловно, возможно и простое понимание выражения «сего
ради» как предлога: «благодаря этому», «поэтому»).

Стяжал еси смирением высокая, нищетою
богатая. Приобрел смирением величие (высоту неба),
нищетою — богатство (рая). Такого рода
противопоставления (антиномии) свойственны новозаветному
мышлению, ими пронизано Евангелие: Кто возвышает себя,
тот унижен будет, а кто унижает себя (в
церковнославянском Евангелии: смиряяй же себе), тот
возвысится (Мф.23:12;
также
Лк.14:11; 18:14); «Ибо вы знаете благодать Господа
нашего Иисуса Христа, что Он, будучи богат, обнищал ради
вас, дабы вы обогатились Его нищетою» (2 Кор.8:9).

Исповедника XX века

Тропарь, глас 4:Страда́ния за Христа́ претерпе́в,/ ве́ру правосла́вную сохрани́л еси́,/ и терпе́нием гони́тели Це́ркве Ру́сския посрами́в,/ благоче́стно в зако́не Госпо́дни пожи́л еси́,/ испове́дниче сла́вне (имярек),/ Престо́лу Бо́жию предстоя́,// моли́ спасти́ся душа́м на́шим.

Кондак, глас 2:Я́ко звезда́ но́вая Це́ркве Ру́сския яви́лся еси́,/ терпеливоду́шне (имярек) испове́дниче,/ Христа́ Бо́га прославля́я/ и в нощи́ безбо́жия путь ве́рным указу́я./ Те́мже мо́лим тя:/ моли́ нам, сро́дником твои́м,/ в ве́ре правосла́вней утверди́тися// и спасти́ся душа́м на́шим.

Величание:Велича́ем тя,/ испове́дниче святы́й (имярек),/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.

Святых Бесплотных Сил

Тропарь, глас 4:Небе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще нас, припа́дающих приле́жно и вопию́щих:/ от бед изба́вите нас,// я́ко чинонача́льницы вы́шних Сил.

Кондак, глас 2:Архистрати́зи Бо́жии,/ служи́телие Боже́ственныя сла́вы,/ Ангелов нача́льницы и челове́ков наста́вницы,/ поле́зное нам проси́те и ве́лию ми́лость,// я́ко Безпло́тных Архистрати́зи.

Величание:Велича́ем вас,/ Арха́нгели и Ангели/ и вся во́инства,/ Херуви́ми и Серафи́ми,// сла́вящия Го́спода.

Мученицы

Тропарь, глас 4:А́гница Твоя́, Иису́се, (имярек)/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую/ и сраспина́юся и спогреба́юся Креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю,/ но я́ко же́ртву непоро́чную приими́ мя, с любо́вию поже́ршуюся Тебе́.// Тоя́ моли́твами, я́ко Ми́лостив, спаси́ ду́ши на́ша.

Кондак, глас 2:Храм Твой всечестны́й я́ко цельбу́ душе́вную обре́тше,/ вси ве́рнии велегла́сно вопие́м ти:/ де́во му́ченице (имярек) великоимени́тая,// Христа́ Бо́га моли́ непреста́нно о всех нас.

Величание:Велича́ем тя,/ страстоте́рпице Христо́ва (имярек),/ и чтим честно́е страда́ние твое́,/ е́же за Христа́// претерпе́ла еси́.

Тропарь: значение

Тропарь — это торжественный гимн, тихий и радостный, сочиненный православными гимнографами, авторами христианской песни. Обычно тропарь раскрывает смысл церковного праздника или прославляет святого, в честь которого он написан.

У каждого праздника есть тропарь и кондак. Если тропарь — это песня, которая говорит о сути праздника, то кондак — это жанр стихотворной проповеди. Тропарь и кондак двунадесятых праздников Церкви полезно знать каждому христианину.

Пример: Тропарь Рождества, глас 4:

Рождество Твое Христе Боже наш, возсия мирови свет разума: в нем бо звездам служащии, звездою учахуся, Тебе кланятися Солнцу правды, и Тебе ведети с высоты Востока: Господи слава Тебе.

Рождество Твое Христе Боже наш, — это обращение к Господу.

возсия мирови свет разума, — воссияло миру светом разума. Свет разума — это свет духовного познания Бога.

Ибо во время его служащие звездам были научены звездою (же) поклоняться Тебе, Солнцу правды, и знать Тебя, Восток свыше. Господи слава Тебе! — Здесь речь идет о волхвах, которые пришли поклониться новорожденному Богомладенцу с Востока. Несмотря на то, что они были язычниками прежде, положение звезд на небе и появление Вифлеемской звезды для них стало знаком свыше — пришел Спаситель.

Кстати, именно этот сюжет часто изображается на иконах Рождества Христова, а тропарь иногда называют «словесной иконой». Тропари напоминают верующим, что события, которые описаны в Библии, это — не абстрактные люди и не «предания старины глубокой», а то, что для нас, христиан, всегда звучит мощно и современно.

Тропарь у истоков христианской гимнографии

Появившийся в ряду христианских церковных песен тропарь в IV веке был лишь припевом к другим песням литургии. Тропарь — это вид церковной песни, который сочиняли люди, его текст не взяли со страниц Библии. Сочиняли тропари и святые, их тексты появлялись по Божественному благословению. Ближе к V веку тропарь приобрел свое современное значение. Теософические гимны прежде выполняли функцию тропаря. Сейчас Церковь не сохранила их. На тропари того времени влияла культура Греции и Ближнего Востока. У самых истоков христианской гимнографии стояли, скорее, теософические гимны, которые пели с I по III век. Изначально часть литургии, рассказывающую о жизни святого не «пели» в привычном нам понимании слова, они даже не всегда были рифмованы.

Считается, что Родина современного тропаря — Византия. Первое упоминание о тропарях мы встречаем в Уставе Константинопольской Церкви.  Ритмически тропарь «подстраивался» под кондак, ударения в тропаре расставлялись, как правило, по смыслу. Под влиянием преподобного Ефрема Сирина основным в тропаре было именно словесное ударение. В IV-V веке тропарь стал сопровождаться «гласом» — музыкой.

В России тропари имеют настолько древнюю историю, что находятся археологами на берестяных грамотах. Об этой находке 2010 года рассказывал на своих лекциях академик Андрей Зализняк.

Самый известный древний тропарь — «Свете тихий». А самый известный древний гимнограф — Феодор Крестьянин.

Первый тропарь

Автором первого тропаря считают Романа Сладкопевца. Роман Сладкопевец был одним из диаконов греческой церкви. Он не только не был выдающимся служителем Церкви, но в свое время вызывал даже насмешки. Только Патриарх Евфимий благоволил скромному юноше. Несмотря на благочестивую добродеятельную жизнь, он плохо пел на клиросе. Однажды для насмешки его вытолкнули на амвон и вынудили петь. Это был позор. Святой Роман, вернувшись к себе, молился Богородице, рассказывая о том, что с ним произошло. И Богородица явилась к нему, как когда-то являлась пророку Иезекиилю и Иоанну Богослову. Она велела съесть свиток, после чего святой Роман Сладкопевец не только стал обладателем прекрасного музыкального слуха и голоса, но и получил дар слагать церковные песни. Когда его снова вытолкали на амвон, он запел собственно сочиненный гимн чудесным сладким голосом, чем поразил всех присутствующих. Кондак Рождества, авторства святого Романа Сладкопевца стал неотъемлемой частью богослужения. В те времена поэтов равных Роману Сладкопевцу не было. К нему обращаются в молитвах те, кто хочет научиться пению. Его тропари — до сих пор являются образцом христианской гимнографии.

Роман Следкопевец в итоге стал учителем церковного пения.

Тропарион. Тропари, кондаки, величания и молитвы

Святые по алфавиту: С

Святителю Спиридону Тримифунтскому

Тропарь, глас 1:

Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не о́тче наш. /Те́мже ме́ртву ты во гро́бе возгласи́в/ и змию́ в зла́то претвори́л еси́,/ и внегда́ пе́ти тебе́ святы́я моли́твы,/ а́нгелы, сослужа́щия тебе́, име́л еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Кондак, глас 2:

Любо́вию Христо́вою уязви́вся, свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,// прося́ всем Боже́ственнаго сия́ния.

Величание

Велича́ем тя,/ святи́телю и чудотво́рче Спиридо́не,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Молитва:

О, вели́кий и пречу́дный святи́телю Христо́в и чудотво́рче Спиридо́не, Керки́рская похвало́, всея́ вселе́нныя свети́льниче пресве́тлый, те́плый к Бо́гу моли́твенниче и все́м к тебе́ прибега́ющим и с ве́рою моля́щимся скоропредста́тельный засту́пниче! Ты́ ве́ру правосла́вную на Нике́йстем Собо́ре посреде́ отце́в пресла́вно изъясни́л еси́, триеди́нство Святы́я Тро́ицы чуде́сною си́лою показа́л еси́ и еретико́в до конца́ посрами́л еси́. Услы́ши на́с, гре́шных, святи́телю Христо́в, моля́щихся тебе́, и си́льным твои́м предста́тельством у Го́спода изба́ви на́с от вся́каго зла́го обстоя́ния: от гла́да, пото́па, огня́ и смертоно́сныя я́звы. Ты́ бо во вре́менней жи́зни свое́й от все́х си́х бе́дствий избавля́л еси́ люде́й твои́х: от наше́ствия ага́рян и от гла́да страну́ твою́ сохрани́л еси́, царя́ от неисце́льнаго неду́га изба́вил и мно́гия гре́шники к покая́нию приве́л еси́, ме́ртвых пресла́вно воскреша́л еси́, за свя́тость же жития́ твоего́ А́нгелы, неви́димо в це́ркви пою́щия и сослужа́щия тебе́, име́л еси́. Си́це у́бо просла́ви тебе́, ве́рнаго Своего́ раба́, Влады́ка Христо́с, я́ко вся́ та́йная челове́ческая дея́ния дарова́ тебе́ разуме́ти и облича́ти непра́ведно живу́щия. Мно́гим, в ску́дости и недоста́точестве живу́щим, ты́ усе́рдно помога́л еси́, лю́ди убо́гия изоби́льно во вре́мя гла́да напита́л еси́ и и́на мно́га зна́мения си́лою в тебе́ живу́щаго Ду́ха Бо́жия сотвори́л еси́. Си́це и на́с не оста́ви, святи́телю Христо́в, помина́й на́с, ча́д свои́х, у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́ да да́рует на́м, кончи́ны же живота́ непосты́дныя и ми́рныя, и блаже́нства ве́чнаго в бу́дущем ве́це сподо́бит на́с, да вы́ну возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Тропарион. Тропари, кондаки, величания и молитвы

Святые по алфавиту: С

Собору Соловецких святых

Тропарь, глас 4:

Взыску́юще Христа́ вожделе́ннаго би́сера во страну́ полу́нощную востекли́ есте́, и по́двигом первонача́льников Солове́цких поревнова́вше, леса́ и пусты́ни облагоуха́ли есте́ свои́ми Богоуго́дными моли́твами. Тем же и Христо́с вас просла́ви, и мы вам вопие́м: вси святи́и Солове́цтии, моли́те Бо́га спасти́ся душа́м на́шим.

Кондак, глас 3:

Духо́внаго жи́тельства жела́юще, устреми́стеся в суро́выя о́стровы Беломо́рия, и безбе́дно преплы́вше жите́йское мо́ре, собла́знов мирски́х избего́сте и в ра́дости ве́лией водвори́стеся. Непреста́нным у́мным восхожде́нием Бо́га дости́гли есте́ и нас у́чите небе́сному восхо́ду.

Величание

Велича́ем вас,/ вси святи́и Солове́цтии,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Молитва:

О, боже́ственный по́лче, Небе́снии во́ини Христа́ Бо́га, преподо́бнии и богоно́снии отцы́ Солове́цтии! Вы пе́рвее ра́лом Ева́нгельских уче́ний ду́ши своя́ плодоно́сны яви́ли есте́, по́слежде и непло́дную пусты́ню сию́, я́ко благоцвету́щий рай соде́лали есте́. И яви́лися есте́ же́ртвы благоприя́тныя Бо́гу, преобрази́вшеся у́мным де́ланием, во Све́те Невече́рнем узре́ли есте́ бу́дущей жи́зни сла́ву. И Боже́ственным огне́м ду́ши своя́ возжего́сте восте́кли есте́ в Сио́н Го́рний и Нетва́рнаго Све́та причасти́лися есте́. Те́мже и нам, на земли́ су́щим, хода́тайствуете душа́м спасе́ние, земны́х плодо́в изоби́лие, времена́ ми́рна, бла́га, да и мы, недосто́йнии, направля́емии ва́шими моли́твами, поне́ на коне́ц на́шего многомяте́жнаго жития́, возлю́бим ве́чное па́че вре́меннаго, и в свой единонадеся́тый час порабо́таем с усе́рдием Небе́сному Домовлады́ке Христу́, и услы́шим Его́ благоуве́тливый глас: «Прииди́те, насле́дуйте угото́ванное вам ца́рство от сложе́ния ми́ра», — и мы с серде́чным благодаре́нием пролие́мся слеза́ми неизрече́нной ра́дости и восхва́лим вели́кое и достопоклоня́емое и́мя Отца́ и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва Cобору новомучеников и исповедников Соловецких:

О, достохва́льнии и великоимени́тии новому́ченицы и испове́дницы солове́цтии! Вы́ гоне́ния, хла́д, гла́д, наготу́, поноше́ния, поруга́ния и я́рость мучи́телей со смире́нием претерпева́юще, ве́ру тве́рдую, упова́ние непосра́мленное и любо́вь и́стинную к Бо́гу, бли́жним и гони́телем ва́шим яви́ли есте́. Сего́ ра́ди ны́не, предстоя́ще Престо́лу Влады́ки Христа́, моли́те о благостоя́нии святы́я Це́ркве Росси́йския, да избе́гнет гоне́ний, раско́лов, ересе́й, ра́спрей и мяте́жа мирска́го, да восприи́мет архипа́стыри и па́стыри до́брыя, пекущияся о спасе́нии ду́ш, да украси́тся и́ноки честны́ми, ста́рцы му́дрыми, му́жы добронравными и де́вы чи́стыми, во е́же в ми́ре глубо́це ти́хое и безмо́лвное житие́ поживе́м во вся́ком благоче́стии и чистоте́. А́ще же прии́дет и на́ш ча́с пострада́ти за ве́ру Правосла́вную, утверди́те ны́, недосто́йныя сро́дники ва́ша, в терпе́нии, да́руйте на́м му́жество и кре́пость испове́дати пред челове́ки Христа́, и́стиннаго Бо́га, да сподо́бимся с Ва́ми воспева́ти пречестно́е и животворя́щее и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Воздвижению Честнаго и Животворящего Креста Господня (тропарь, кондак, задостойник, молитвы и величание)

Тропарь, глас 1:

Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.

Кондак, глас 4:

Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.

Задостойник

Велича́й, душе́ моя́,/ пречестны́й Крест Госпо́день.

Та́ин еси́, Богоро́дице, рай,/ невозде́ланно возрасти́вший Христа́,/ И́мже кре́стное живоно́сное на земли́ насади́ся Дре́во;/ тем ны́не возноси́му,// поклоня́ющеся Ему́, Тя велича́ем.

Молитва первая

О, всечестны́й и Животворя́щий Кре́сте Госпо́день, Кро́вию Христа́ Бо́га на́шего освяще́нный и сме́ртию Его́ нас от сме́рти ве́чныя свободи́вый! Ты еси́ зна́мение побе́ды на враго́в на́ших ви́димых и неви́димых: ты и́маши яви́тися в час Стра́шнаго Суда́ Христо́ва: тебе́ смире́нно покланя́юся, честно́ прикаса́юся и любе́зно тя лобыза́ю, ны́нешнее моле́ние к Распя́тому на тебе́ принося́, да исцели́т мя си́лою в тебе́ Свое́ю от всех неду́гов душе́вных и теле́сных, и сохрани́т от враго́в ви́димых и неви́димых, и неосужде́нна на суде́ Свое́м одесну́ю поста́вит. Ей, Животворя́щий Кре́сте святы́й, на тебе́ Спас, умира́я за уме́ршия грехми́ челове́ки, дух Свой я́ко челове́к испусти́, Кровь же и во́ду источи́, и си́ми треми́, еди́но, е́же па́че все́х есть на потре́бу, спасе́ние нам соде́ла: во сла́ву исто́чника вод живы́х Бо́га Отца́, Себе́ же, от крове́й Деви́ческих воплоще́нна Бо́га Сы́на, и Бо́га Ду́ха Свята́го, оживля́ющаго дух челове́ч: И́хже Трие́х во еди́ном Божестве́ пособи́ и мне сла́вити благода́рственно, от воды́ креще́ния восприя́тою ве́рою непоро́чною, в прича́стии же пло́ти и Кро́ве Госпо́дних наде́ждою несумне́нною и в покая́нии ду́хом сокруше́нном и любо́вию нелицеме́рною: ниже́ то́кмо в жи́зни сей плаче́вной, я́ко вода́ мимотеку́щей, бра́ней и крове́й испо́лненной, и я́ко па́ра исчеза́ющей с воздыха́нием, но и в бу́дущей блаже́нной просла́влю Го́спода, посо́бием си́лы твоея́, Кре́сте треблаже́нне, да просла́влю са́мым лица́ зре́нием ве́рованному одержа́нием же ча́янному и наслажде́нием люби́мому, еди́ному в Тро́ице сла́вимому в безконе́чныя ве́ки веко́в. Ами́нь.

Молитва вторая

О, Пречи́стый и Животворя́щий Кре́сте Госпо́день! Дре́вле у́бо был еси́ ка́зни позо́рныя ору́дие ны́не же зна́мение спасе́ния на́шего – при́сно почита́емое и прославля́емое! Ка́ко досто́йне возмогу́ аз недосто́йный воспе́ти Тя и ка́ко дерзну́ преклони́ти коле́на се́рдца моего́ пред Искупи́телем мои́м, испове́дая грехи́ свои́? Но милосе́рдие и неизрече́нное человеколю́бие Распе́ншагося на тебе́ смире́нное дерзнове́ние подае́т ми, да отве́рзу уста́ моя́ во е́же сла́вити Тя; сего́ ра́ди вопию́ Ти: ра́дуйся, Кре́сте, це́ркве Христо́вы – красота́ и основа́ние, вся вселе́нныя – утвержде́ние, христиа́н всех – упова́ние, царе́й – держа́ва, ве́рных – прибе́жище, а́нгелов – сла́ва и воспева́ние, де́монов – страх, губи́тельство и отгна́ние, нечести́вых и неве́рных – посрамле́ние, пра́ведных – приста́нище, заблу́дших – наста́вниче, одержи́мых страстьми́ – раска́яние, ни́щих – обогаще́ние, пла́вающих – ко́рмчий, сла́бых – си́ла, во бране́х – побе́да и одоле́ние, си́рых – ве́рное покрове́ние, вдов – засту́пниче, дев – целому́дрия охране́ние, ненаде́янных наде́жда, неду́жных – врач и ме́ртвых – воскресе́ние! Ты прообразо́ванный чудотворя́щим жезло́м Моисе́я – животво́рный исто́чник, напая́ющий жа́ждущия духо́вныя жи́зни и услажда́ющий на́ши ско́рби, Ты – одр, на нем же ца́рственно почи́л тридне́вно Воскре́сший Победи́тель а́да. Сего́ ра́ди и у́тро и ве́чер и полу́дне прославля́ю Тя, треблаже́нное Дре́во, и молю́ во́лею Распе́ншагося на Тебе́, да просвети́т Он и укрепи́т Тобо́ю ум мой, да откры́ет в се́рдце мое́м исто́чник любве́ соверше́нней и вся дея́ния моя́ и путие́ мои́ Тобо́ю осени́т, да вы́ну велича́ю Пригвожде́ннаго на Тебе́, грех мои́х ра́ди, Го́спода Спаси́теля моего́. Ами́нь.

Величание

Велича́ем Тя,/ Живода́вче Христе́,/ и чтим Крест Твой святы́й,/ и́мже нас спа́сл еси́// от рабо́ты вра́жия.

Назад к списку

Священномученику Игнатию Богоносцу (тропари, кондаки и молитвы)

Тропарь, глас 4:

И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче Игна́тие,/ моли́ Хpиста́ Бо́га// спасти́ся душа́м на́шим.

Ин тропарь, глас 4:

Апо́стольских нpа́вов подpажа́телю/ и пpесто́ла их сонасле́дниче,/ ахиеpе́ев удобpе́ние и му́чеников сла́во, Богодухнове́нне,/ на огнь, и меч, и зве́pи деpзну́л еси́, ве́pы pа́ди/ и, слово и́стины испpавля́я,/ до кpо́ве постpада́л еси́,/ священному́чениче Игна́тие,/ моли́ Хpиста́ Бо́га// спасти́ся душа́м на́шим.

Кондак, глас 3:

Све́тлых по́двиг твои́х светоно́сный день / предпропове́дует всем в верте́пе рожде́наго: / сего́ бо жажда́я от любве́ наслади́тися, / потща́лся еси́ от звере́й снеде́н бы́ти; // сего́ ра́ди и Богоно́сец наре́клся еси, Игна́тие всему́дре.

Ин кондак, глас 4:

От восто́ка днесь возсия́вый/ и тварь всю просвети́вый уче́ньми,// му́ченичеством украси́ся, Богоно́сный и Боже́ственный Игна́тий.

Молитва первая

О велики́й уго́дниче Христо́в, священному́чениче Игна́тие! При́зри ми́лостивым твои́м о́ком и простри́ ко Го́споду те́плыя твоя́ моли́твы, и испроси́ душа́м на́шим оставле́ние прегреше́ний. Се бо мы, раби́ Бо́жии (имена), се́рдцем сокруше́нным и ду́хом смире́нным тебе́, хода́тая ми́лостива ко Влады́це и моли́твенника за ны, гре́шныя, призыва́ем, тебе́ у́бо про́сим: не пре́зри нас недосто́йных, твоея́ по́мощи тре́бующих, и исхода́тайствуй нам вся ко спасе́нию поле́зная, я́ко да получи́вше благода́ть и ми́лость, просла́вим всех благи́х Исто́чника и Дарода́теля, Бо́га Еди́наго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва вторая

О вели́кий святи́телю Богоно́сный Игна́тие! К тебе́ припа́даем и мо́лим тя, при́зри на ны гре́шныя, прибега́ющия к твоему́ заступле́нию! Умоли́ Го́спода, да прости́т нам вся согреше́ния на́ша: ты му́ченически ду́шу твою́ за ве́ру положи́л еси́, да́руй и нам му́жество во всем подража́ти тебе́. Ничто́ в жи́зни не возмогло́ отлучи́ти тя от любве́ ко Го́споду, ни ле́стныя обеща́ния, ни преще́ния, ни угро́зы, ниже́ са́мыя му́ки: ты с ра́достию предста́л пред зверьми́ на смерть лю́тую и, я́ко а́нгел, возлете́л еси́ во оби́тели Отца́ на́шего Небе́снаго; и моли́тва твоя́ мно́го мо́жет пред Го́сподем. Бу́ди же, святы́й уго́дниче, предста́телем у Го́спода: за ны, недосто́йнии рабы́ твоя́; помога́й и всем правосла́вным христиа́ном святы́ми твои́ми моли́твами ко всемогу́щему Бо́гу, да изба́вит ны от гла́да, тру́са, гра́да, бездо́ждия и смертоно́сных боле́зней, и да да́рует нам здр́авие и спасе́ние. Бу́ди же нам помо́щник ско́рый во вся́кой ско́рби, наипа́че в час кончи́ны на́шея яви́ся нам све́тлым защи́тником и хода́таем и умоли́ Го́спода сподо́битися всем нам, тебе́ ны́не те́пле моля́щимся, получи́ти по христиа́нской кончи́не Небе́сное Ца́рствие, иде́же вси святи́и вку́пе с тобо́ю ве́чно сла́вят Отца́ и Сы́на и Свята́го Ду́ха. Ами́нь.

Назад к списку

Исповедницы XX века

Тропарь, глас 4:Благоче́стно в зако́не Госпо́дни пожи́вши,/ ве́ру правосла́вную сохрани́ла еси́,/ и терпе́нием гони́тели Це́ркве Ру́сския посрами́вши,/ страда́ния за Христа́ претерпе́ла еси́,/ испове́днице сла́вная (имярек),/ престо́лу Бо́жию предстоя́щи,// моли́ спасти́ся душа́м на́шим.

Кондак, глас 4:Я́ко кри́н благоуха́нный,/ посреде́ пусты́ни безбо́жия/ в земне́м Оте́честве твое́м процвела́ еси́,/ блаже́нная ма́ти (имярек),/ и житие́ доброде́тельное испове́данием ве́ры украси́вши,/ востекла́ еси́ к Небе́сному Жениху́ Христу́,// И́же увенча́ тя красото́ю сла́вы нетле́нныя.

Величание:Велича́ем тя,/ испове́днице Христо́ва (имярек),/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.

Глас 3

Да веселятся небесная, да радуются
земная, яко сотвори державу мышцею Своею Господь, попра смертию смерть, первенец мертвых бысть;
из чрева адова избави нас, и подаде мирови велию милость.

Небесная — все небесное, небо. Земная —
все земное, земля. Сотвори державу мышцею Своею — явил
мощь руки Своей. Велию — великую.

Сотвори державу мышцею Своею —
выражение из песни Пресвятой Богородицы (в русском
переводе: явил силу мышцы Своей —
Лк.1:51); слова, сказанные Пречистой Девой о
Воплощении Сына Божия, тропарь относит к Его Воскресению
и, таким образом, ко всему делу Домостроительства
(Промысла) Божия. Слова попра смертию смерть обращают
нас к тропарю Пасхи: Христос воскресе из мертвых,
смертию смерть поправ, и сущим во гробех живот даровав.

Первенец мертвых бысть, из чрева адова
избави нас. Строка отсылает нас к словам апостола Павла:
Но Христос воскрес из мертвых, первенец из умерших. Ибо,
как смерть через человека, так через человека и
воскресение мертвых. Как в Адаме все умирают, так во
Христе все оживут, каждый в своем порядке: первенец
Христос, потом Христовы, в пришествие Его (1 Кор.15:20-24).